ការតុបតែង

ថ្នាំការពារកំដៅថ្ងៃ៧ប្រភេទ

ប្រភេទផ្លែដែលមានពណ៌ក្រហម បន្លែមានស្លឹក ប្រេងអូលីវ ឬត្រីតំបន់ ទឹកត្រជាក់ជាដើម គឺ
មានប្រសិទ្ធិភាពក្នុងការបង្កើនកម្រិត SPF និងជួយព្យាបាលរបួសអោយឆាប់។
ខាងក្រោមនេះ គឺជាអាហារមួយចំនួនដែល
អាចជួយទប់ទល់នឹងឥទ្ធិពលរបស់កាំរស្មី UV របស់ព្រះអាទិត្យ។

១. ត្រីទឹកត្រជាក់
ការស្រាវជ្រាវកាលពីពេលថ្មីៗនេះ បានបង្ហាញថាប្រេងរបស់ត្រី សាលម៉ុង(salmon) និងត្រី
ធូណា (tuna) គឺជាប្រភពផ្ដល់អាស៊ីតខ្លាញ omega 3 យ៉ាងសម្បូរបែប អាចជួយការពារស្បែក
ពីកំដៅថ្ងៃ។ ដូច្នេះ អ្នកគួរតែញ៉ាំត្រីប្រភេទនេះ អោយបានមួយសប្ដាហ៍ម្ដង ដើម្បីរក្សាសម្រស់
របស់អ្នក។
២. ផ្លែឈើ និងបន្លែពណ៌ក្រហម
ផ្លែឈើ និងបន្លែពណ៌ក្រហម ដូចជា ប៉េងប៉ោះជាដើម មានផ្ទុកសារជាតិ លីកូផែន (lycopene)
ដែលជួយការពារស្បែក ដោយការកំចាត់នូវ រ៉ាឌីកាលសេរី (radicals) មិនល្អ តាមរយៈនេះ វា
នឹងកាត់បន្ថយរយៈពេលនៃកំដៅព្រះអាទិត្យដែលអាចបង្កគ្រោះថ្នាក់ដល់ស្បែក។
៣. បន្លែមានស្លឹក
បន្លែពណ៌បៃតងដូចជាស្ពៃក្រញាញ់ក៏ជាអាហារមួយដ៏ពិសេសដើម្បីទប់ទល់នឹងអ៊ុកស៊ីតកម្ម។
បន្លែដែលមានស្លឹក ក៏មានប្រសិទ្ធិភាពដូចទៅនឹងបន្លែដែលមានពណ៌ក្រហម ដោយសារវា
ជួយកំចាត់ រ៉ាឌីកាលសេរី (radicals) និងជួយកាត់បន្ថយការវិវឌ្ឍន៍ទៅរកភាពចាស់។

៤. ប្រេងអូលីវ
ប្រេងអូលីវគឺជាប្រេងធម្មជាតិដ៏អស្ចារ្យក្នុងការបង្កើនកម្រិត SPF ដល់ស្បែក។ ដូច្នេះ ប្រសិន
ប្រើប្រាស់ប្រេងអូលីវ រួមជាមួយនឹងអាហារសម្បូរដោយ លូកូផែន (lycopene) វានឹងក្លាយជា
ផ្នែកមួយសំខាន់ក្នុងការបំប៉ន បង្កើតឪកាសល្អសម្រេប់ដំណើរស្រូបយកសារជាតិទប់ស្កាត់
អ៊ុកស៊ីតកម្ម។
៥. ផ្លែឈើសម្បូរដោយវីតាមីន C
ក្រូចពោធិសាត់ ក្រូចថ្លុង ល្ហុង និងស្ដ្រូបូរី ជាដើម គឺជាផ្លែឈើដែលសម្បូរទៅដោយវីតាមីន C ហើយការបង្កើនកម្រិតវីតាមីន C នឹងជួយជំនួសអោយការបាត់បង់សារជាតិបំប៉នដែលបាន
បាត់បង់ក្នុងមួយថ្ងៃ ជួយបង្កើត កូលេចេន (collagen) របស់ស្បែក ព្រមទាំង ជួយព្យាបាល
អាការៈរលាក់ដែលបង្កឡើងដោយកំដៅព្រះអាទិត្យ។
៦. តែបៃតង
តែបៃតង មានផ្ទុក ប៉ូលីផែណូល (polyphenol ដែលជាសារជាតិមួយជួយការពារស្បែកពីកំដៅ
ព្រះអាទិត្យ)។ ញ៉ាំទឹកតែបៃតងមួយពែង រៀងរាល់ព្រឹក នឹងជួយកាត់បន្ថយការវិវឌ្ឍន៍ទៅរក
ភាពចាស់ បង្កើនការការពារស្បែកដោយធម្មជាតិ។
៧. សូកូឡាល្វីង
សូកូឡា ត្រូវបានគេរកឃើញថា មានផ្ទុក SPF ក្នុងកម្រិតខ្ពស់។ សូកូឡា រួមចំណែកក្នុងការ
ធ្វើអោយកម្រិតនៃការចាញ់កំដៅថ្ងៃរបស់ស្បែកមានការថយចុះ។ ដូច្នេះ ការញ៉ាំសូកូឡាមួយ
បន្ទះនឹងជួយការពារស្បែករបស់អ្នកបាន ប៉ុន្ដែ អ្នកមិនត្រូវញ៉ាំច្រើនពេកនោះទេ ប្រសិនមិន
ចង់ធាត់។

18 ខែមីនា 2013 0

ជំនឿ នៅពេលស្រ្តីធ្លាក់មករដូវខែ

មនុស្សសម័យបុរាណមិនថាជន ជាតិណាក៏ដោយសុទ្ធតែមានជំនឿ ជាមួយនឹងស្រ្តីពេលដែលធ្លាក់
រដូវ ខែដែរពិសេសការប្រិតបត្តិក្នុង អំឡុងពេលធ្លាក់មករដូវខែតែម្តង។ ក្នុងប្រការហាមនីមួយៗនេះបាន ធ្វើឱ្យស្រ្តីសម័យមុនបានប្រតិបត្តិអស់កាលជាយូរលង់មកហើយ។ក្រៅពីនេះប្រការហាមស្រ្តីនៅពេលធ្លាក់រដូវខែ នេះមានទៅតាមប្រទេសនីមួយៗដោយមានលក្ខណៈខុសប្លែកពីគ្នាដូចជា៖
១) តាមជំនឿជនជាតិហិណ្ឌូសម័យបុរាណបានត្រូវគេត្រណមថាបើស្រ្តីណាមានការធ្លាក់រដូវខែក្នុងពេល ណាមួយនឹងត្រូវគេឱ្យចាកចេញទៅនៅក្រៅផ្ទះប្រហែលបីថ្ងៃ។ប៉ុន្តែសម្រាប់នាពេលបច្ចុប្បន្នត្រណ
មនេះត្រូវបានសាបរលាបទៅខ្លះនិងកន្លែងខ្លះលែងអនុវត្តទាំងស្រុងតែម្តង។ក្រៅពីនេះជនជាតិហិណ្ឌូ
នៅក្នុងគ្រួសារដែលប្រកាន់ភាពតឹងរឹងខ្លាំងនៅមានការហាមស្រ្តីដែលធ្លាក់មករដូវខែចូលផ្ទះបាយ ហាម ចាប់កាន់អំបិល ហាមទៅវត្ត ហាមចូលរួមក្នុងពិធីសាសនា ទាំងនេះដោយសារគេយល់ឃើញថា
ពេលធ្លាក់មករដូវខែរបស់ស្រ្តីជាអំឡុងពេលដែលកខ្វក់ឬកើតមកពីនាងប៉ាប៉ាជាតួអង្គក្នុងរឿងព្រេងនិទាន បានចូលស្ថិតនៅក្នុងខ្លួនស្រ្តីនោះ។
២) តាមជំនឿរបស់ជនជាតិក្រិចបុរាណមានជំនឿថាបើស្រ្តីណាធ្លាក់មករដូវខែត្រូវគេបណ្តេញចេ
ញពីភូមិព្រោះចាត់ទុកថាជាការមិនល្អ។នៅពេលគេបណ្តេញចេញពីភូមិគេបានសង់ខ្ទមទុកឱ្យស្រ្តីទាំង
នេះរស់នៅ។ជនជាតិក្រិចបានដាក់ឈ្មោះឱ្យខ្ទមនេះថា”ខ្ទមរដូវ”ទុកឱ្យសម្រាករហូតទាល់តែអស់រដូវ
ខែទើបអនុញ្ញាត្តិឱ្យវិលទៅរស់នៅក្នុងផ្ទះសម្បែងវិញ។ទម្លាប់នេះគេអនុវត្តរហូតទាល់តែស្រ្តីឈានចូល ដល់វ័យអស់រដូវខែទើបអាចរស់នៅផ្ទះសម្បែងលែងវិលចូលខ្ទមរដូវដូចស្រ្តីដទៃទៀត។
៣) ចំណែកជំនឿជនជាតិខ្មែរបុរាណជាច្រើនត្រូវបានគេជឿជាក់ថាការរូមភេទអំឡុងពេលធ្លាក់រដូវខែ
បង្កគ្រោះថ្នាក់ដូចនេះក្នុងអំឡុងពេលធ្លាក់រដូវខែដែលជាសញ្ញាភ្លើងក្រហមនេះគេមិនហ៊ានរួមដំណេក ជាមួយបុរសឡើយ។ពេលបច្ចុប្បន្ននេះជំនឿនេះនៅបង្កប់ជ្រៅក្នុងផ្នត់គំនិតស្រ្តីនៅឡើយទេ។
៤) តាមជំនឿជនជាតិអ៊ីស្លាមមានការហាមដល់ស្រ្តីដែលធ្លាក់រដូវខែច្រើនយ៉ាងដូចជាហាម ប៉ះពាល់
ដល់គម្ពឺរអាល់កុលអាន ឬកុំឱ្យដើរកាត់ព្រះវិហារឬម៉ាស់យ៊ីស ព្រោះគេមានជំនឿថានឹងបង្កឱ្យឈឺពោះ
ខ្លាំងក្លាណាមួយកើតឡើង។
៥) តាមជំនឿរបស់មនុស្សជាច្រើនបានជឿជាក់ដល់ស្រ្តីពេលធ្លាក់រដូវខែដោយហាមចូលក្នុងព្រះបរម
សិរីរិកធាតុទាំងឡាយ។ក្រៅពីនេះគេហាមបេះបន្លែផ្លែឈើក្នុងពេលធ្លាក់រដូវខែដោយគេជឿថាស្រ្តីកំពុ
ងមានរដូវខែបើកាលណាបេះបន្លែផ្លែឈើនាំឱ្យបន្លែស្ងួតនិងស្វិតងាប់កើតឡើង៕

31 ខែមករា 2013 0

របៀបថែទាំធ្មេញបែបទំនើប

កាលពីសម័យមុន ការថែរក្សាធ្មេញគឺមិនមានអ្វីប្លែកនោះទេ ហើយសុខភាពមាត់ធ្មេញ ក៏មិនងាយកើតមានជាបញ្ហានោះដែរ។ ព្រោះតែចំណីអាហារភាគច្រើន មានលក្ខណៈធម្មជាតិ ដោយមិនមាន ប្រើប្រាស់ជាតិគីមីអ្វីឡើយ។ ប៉ុន្ដែបច្ចុប្បន្ននេះ ជាសម័យទំនើបអ្វីៗគឺបង្កើតឡើង ដោយការប្រើប្រាស់ជាតិគីមី សឹងតែទាំងអស់ ជាពិសេសចំណីអាហារ រួមមានបន្លែ ផ្លែឈើ និងរបស់ផ្សេងៗជាច្រើនទៀត។ សារជាតិទាំងនេះបានបង្កឱ្យ កើតមានផលវិបាកជាច្រើនសម្រាប់មនុស្សយើង នៅក្នុយសម័យកាលនេះ ដែលធ្វើឱ្យលោកអ្នកងាយ កើតមានជំងឺផ្សេងៗ ដែលមិនអាចស្មានត្រូវ។ ចំណែកឯសុខភាពមាត់ធ្មេញ ក៏បានចូលរួមចំណែកនៅ ក្នុងជំងឺទាំងនោះដែរ ដោយសារតែមនុស្ស មួយចំនួនមិនបានយល់ដឹងអំពីការថែរក្សា សុខភាពមាត់ធ្មេញ ឱ្យបានស្អាតល្អ។ ដោយឡែកការថែរក្សាធ្មេញ បែបសម័យទំនើបនេះ គឺជាវិធីដ៏ល្អមួយដែលអាចជួយ បង្ការធ្មេញឱ្យចៀសផុតពីជំងឺផ្សេងៗ ពិសេសគឺជំងឺអញ្ចាញធ្មេញ និងជំងឺធ្មេញពុក ពិតជាវិធីមួយដ៏ប្រសើរបំផុត សម្រាប់មនុស្សគ្រប់រូប។

តើអ្វីទៅគឺជាការថែទាំធ្មេញបែបទំនើប?

ការថែរក្សាធ្មេញបែបទំនើបនេះ គឺមានតាំងពីយូរណាស់មកហើយ ដោយនៅប្រទេសជឿនលឿនបានអនុវត្ដ តាំងពីយូររហូតមក។ ដោយឡែកនៅប្រទេស ក្រីក្រមួយចំនួនដូចជាប្រទេសកម្ពុជាយើងសព្វថ្ងៃនេះ មិនទាន់បានអនុវត្ដ ឱ្យបានគ្រប់គ្នានោះទេ។ ហើយការថែរក្សាធ្វើបែបទំនើបនេះ គឺជាការថែរក្សាដោយ យកចិត្ដទុកដាក់បំផុត។ នៅពេលទទួលទានបាយហើយ គឺត្រូវធ្វើការសម្អាតមាត់ធ្មេញជានិច្ច។

វិធីថែទាំធ្មេញបែបទំនើប

ធ្មេញស្អាត និងមានអនាម័យពិតជាជួយលើក សោភ័ណភាពស្អាតថែមមួយកម្រិត។ ធ្មេញមិនត្រឹមតែមានសារៈសំខាន់ នៅក្នុងការទំពាអាហារប៉ុណ្ណោះទេ តែថែមទាំងជាវត្ថុដ៏មានតម្លៃសម្រាប់សុខភាព និងសោភណ័ភាពដែល មនុស្សគ្រប់រូបមិនអាចខ្វះបាន។ វិធីថែទាំធ្មេញបែបទំនើបនេះវាមានច្រើនដូចជា ៖
• នៅពេលដុសធ្មេញ គួរតែជ្រើសរើសថ្នាំដុសធ្មេញ ដែលល្អហើយសមនឹងធ្មេញរបស់លោកអ្នក។ បើសិនជាធ្មេញលោកអ្នកស្រៀវ លោកអ្នកគួរតែប្រើ ថ្នាំដុសធ្មេញបំបាត់ស្រៀវធ្មេញ។ បើសិនជាធ្មេញលោកអ្នក មិនល្អឆាប់ពុក ត្រូវដុសថ្នាំដុសធ្មេញដែលមានជាតិក្លុយអ័រច្រើន។
• ច្រាសដុសធ្មេញគឺមាន ទៅតាមវ័យមនុស្សធំ និងកូនក្មេង។ ដូចនេះគួរតែប្រើច្រាសដុសធ្មេញដែលមានក្បាលស្ដួចតូច ហើយសរសៃរោម ច្រាសត្រូវតែទន់ល្មម។ បើសិនជាជ្រើសរើសយកច្រាសរឹង នៅពេលដែលដុស ទៅអាចធ្វើឱ្យអញ្ចាញឈឺឬដាច់ចេញឈាម។ ដូចនេះគួរតែប្រើទឹកក្ដៅឧណ្ហៗ ដើម្បីឱ្យច្រាសដុសធ្មេញទន់។
• នៅតាមផ្សារទំនើបមួយចំនួន មានលក់ច្រាសដុសធ្មេញ ជាម៉ូទ័រដោយ មិនចាំបាច់ប្រើដៃដុសធ្មេញនោះទេ គឺម៉ូទ័រវាវិលដុសដោយខ្លួនឯងតែម្ដង លោកអ្នកអាចជ្រើសរើសមកប្រើប្រាស់បាន ប៉ុន្ដែត្រូវអនុវត្ដទៅ តាមការណែនាំរបស់អ្នកជំនាញ។
• គួរតែប្រើប្រាស់ទឹកថ្នាំខ្ពុរមាត់ ដើម្បីឱ្យអញ្ចាញធ្មេញរឹងមាំ។
• យ៉ាងហោចណាស់គួរតែដុសធ្មេញ ឱ្យបានបីដងនៅក្នុងមួយថ្ងៃដែរ។
• ក្នុងការដុសធ្មេញមួយលើកៗ គួរតែប្រើរយៈពេលពី ២នាទីទៅ ៣នាទី ដើម្បីដុសឱ្យបានសព្វគ្រប់កៀនកោះ នៃចន្លោះធ្មេញទាំងឡាយ។
• គួរតែសម្អាតធ្មេញនៅក្នុង ១ថ្ងៃឱ្យបាន ២ដងជាមួយនឹង ខ្សែអំបោះសម្រាប់សម្អាតចន្លោះធ្មេញរបស់លោកអ្នក។
• គួរតែទៅជួបជាមួយគ្រូពេទ្យធ្មេញ ដើម្បីពិនិត្យមើលធ្មេញឱ្យបានទៀងទាត់។

សារៈប្រយោជន៍នៃការថែទាំធ្មេញបែបទំនើប

នៅសម័យមុនការទទួលទាន គឺមានលក្ខណៈធម្មជាតិ ផ្លែឈើ បន្លែ និងស្បៀងផ្សេងៗទៀត គឺរកបានមកពីការដាំឬក៏បេះ ពីព្រៃដោយខ្លួនឯង ដោយមិនមាន ជាតិគីមីអ្វីទាំងអស់។ ប៉ុន្ដែនៅក្នុងសម័យទំនើបនេះ ចំណីអាហារបរិភោគគឺ បង្កើតឡើងពីរោងចក្រ ដោយមានលាយឡំជាមួយសារជាតិគីមី និងមានជាតិស្អិតច្រើន ដូចជាស្ករគ្រាប់ នៅពេលដែលលោកអ្នកទទួលទានទៅវាស្អិតជាប់ធ្មេញ ហើយបានបំលែងទៅជាអាស៊ីត បើសិនជាមិនបានធ្វើការសម្អាតធ្មេញឱ្យ បានស្អាតត្រឹមត្រូវនោះទេ វាអាចនឹងធ្វើឱ្យធ្មេញពុកជាមិនខាន។ ដូចនេះវិធីដុសធ្មេញបែបទំនើបនេះគឺ គេបែងចែកជា ៨តំបន់នៃការដុសធ្មេញ មានខាងលើ ៤តំបន់ដោយត្រូវដុសពីលើចុះ មកក្រោម ហើយខាងក្រោមមាន ៤តំបន់ត្រូវដុសពីក្រោ

ម ឡើងមកលើ ទើបអាចធ្វើឱ្យធ្មេញ មានសុខភាពល្អបាន។ នៅពេលដែលធ្មេញ មានសុខភាពល្អ អាចធ្វើឱ្យលោកអ្នកចៀសផុត ពីជំងឺផ្សេងៗមួយចំនួន ដូចជារលាកអញ្ចាញធ្មេញ ជំងឺពុកធ្មេញ និងជំងឺធ្មេញផ្សេងៗជាច្រើនទៀត។

ផលប៉ះពាល់នៅពេលដែលមិនបានថែទាំធ្មេញឱ្យបានល្អ

បើសិនជាលោកអ្នកមិនបាន ធ្វើការសម្អាតធ្មេញឱ្យបានស្អាតល្អនោះ លោកអ្នកនឹងទទួលរងនូវផលប៉ះពាល់មួយចំនួនដូចជា ៖
• មានក្លិនមាត់
• កើតមានជំងឺពុកធ្មេញ
• ជំងឺអញ្ចាញធ្មេញ
• ដំបៅមាត់
• អាប់សែធ្មេញជាដើម។

វិធីការពារធ្មេញដើម្បីកុំឱ្យកើតមានបញ្ហា

រាល់ពេលបរិភោគហើយ ត្រូវតែដុសធ្មេញឱ្យបានស្អាតល្អ។ បន្ទាប់មកត្រូវតែប្រើប្រាស់ទឹកថ្នាំសម្រាប់ខ្ពុរមាត់ ដើម្បីសម្លាប់មេរោគ ជាពិសេសត្រូវតែប្រើខ្សែអំបោះដើម្បីទាក់យកកាកសំណល់ដែលមាននៅចន្លោះ ធ្មេញចេញ។ ចំណែកឯការដុសវិញនោះ គឺត្រូវដុសជារៀងរាល់ពេលទទួលទានអាហារហើយ ពីព្រោះបាក់តេរីអាចកើត បានយ៉ាងឆាប់រហ័សបំផុត។ លោកអ្នកត្រូវតែទៅពិនិត្យ សុខភាពមាត់ធ្មេញ ឱ្យបានញឹកញាប់រាល់ពេល ៦ខែម្ដង។

ជាការពិតណាស់ សុខភាពមាត់ធ្មេញជារឿង សំខាន់បំផុត ដែលលោកអ្នកត្រូវតែយកចិត្ដទុកដាក់។ ដូច្នេះយ៉ាងហោចណាស់នៅក្នុងមួយថ្ងៃ លោកអ្នកត្រូវតែដុសធ្មេញឱ្យបានបីដង និងត្រូវប្រើខ្សែអំបោះ សម្រាប់ទាក់ចំណីអាហារឱ្យ បានពីរដងនៅក្នុង មួយថ្ងៃ ដោយត្រូវដុសឱ្យបានសព្វកន្លែង ជាពិសេសនៅលើផ្ទៃទំពា។ ម្យ៉ាងទៀតបើសិនជា លោកអ្នកកើតមានបញ្ហាសុខភាពមាត់ធ្មេញ លោកអ្នកគួរប្រញាប់ មកជួបជាមួយគ្រូពេទ្យ ដើម្បីឱ្យគ្រូពេទ្យពិនិត្យ និងព្យាបាលឱ្យបានទាន់ពេលវេលា ចៀសវាងកើតមានដំណាក់កាល ធ្ងន់ធ្ងរដែលពិបាកនៅក្នុងការព្យាបាល៕

13 ខែធ្នូ 2012 2

ព្រះករុណា ព្រះបាទ សម្តេច ព្រះ នរោត្តម សីហនុ ព្រះបិតាជាតិ បានសោយទីវង្គត ដោយរោគគាំងបេះដូង នៅទីក្រុង ប៉េកាំង វេលាម៉ោងជិត ២៖០០ព្រឹក ថ្ងៃ ច័ន្ទ នេះ

យោងតាមសម្តី លោកឧបនាយករដ្ឋមន្រ្តី ញឹក ប៊ុនឆៃ បានថ្លែងប្រាប់ដើមអម្ពិល នូវព័ត៌មានទុក្ខដ៏ក្រៀមក្រំថា សម្តេចព្រះបាទ នរោត្តម សីហនុ ព្រះបិតាជាតិ បានសោយទីវង្គត់ ដោយរោគគាំងបេះដូង នាទីក្រុងប៉េកាំង វេលាម៉ោង ជិត ២៖០០ព្រឹក ថ្ងៃច័ន្ទ ទី ១៥ ខែតុលា ឆ្នាំ ២០១២ ។

លោកឧបនាយករដ្ឋមន្រ្តីបានថ្លែងថា ” មុននឹងកន្លះម៉ោង ខ្ញុំបានទទួលព័ត៌មានថា សម្តេចឳព្រះឈួន បេះដូង ត្រូវនាំចូលមន្ទីរពេទ្យសង្គ្រោះ ភ្លាមៗនៅទីក្រុង ប៉េកាំង ប៉ុន្តែ១៥នាទី ក្រោយ ក៏បានទទួលដំណឹងថា សម្តេចតា សោយទីវង្គត់ទៅហើយ ” ។

លោកឧបនាយករដ្ឋមន្ត្រី បានបញ្ជាក់ថា សម្តេចព្រះបិតាជាតិ សម្តេចឳ បានសោយទីវង្គត ដោយរោគបេះដូង នាទីក្រុងប៉េកាំង នៅវេលាម៉ោងជិត ២៖០០ ព្រឹកថ្ងៃច័ន្ទ នេះ ក្នុងព្រះជន្មាយុ ៩០ព្រះវស្សា ។

យោងតាមទីភ្នាក់ងារព័ត៌មាន ក្យូដូ ជប៉ុន ដែលបានដកស្រង់សម្តីព្រះអង្គម្ចាស់ ថូមីកូ ជំនួយការផ្ទាល់ ព្រះមហាវរក្សត្រ នរោត្តម សីហនុ ថា ព្រះករុណា ព្រះបាទសម្តេច ព្រះនរោត្តម សីហនុ ព្រះបិតាជាតិ ពិតជាបានសោយទីវង្គត់ ដោយរោគគាំងបេះដូង នៅទីក្រុង ប៉េកាំង នៅវេលាម៉ោង ២៖២៥នាទី (ម៉ោងនៅប៉េកាំង) ព្រឹកថ្ងៃ ច័ន្ទ ទី ១៥ ខែ តុលា ឆ្នាំ ២០១២ ។ ព្រះអង្គបានបន្តថា ដោយសារបញ្ហារោគបេះដូង សម្តេចឳ បានបន្តសម្រាកព្យាបាល ចាប់តាំងពី ខែ មករា ដើមឆ្នាំ ២០១២ មកម៉្លេះ ។(ដកស្រង់ចេញពី សារពត៍មានដើមអម្ពិល)

15 ខែតុលា 2012 0